Read Psalm 27 in Jamaican Creole, everyday patwah, and English (KJV).
.
Saamz 27 – Prieya fi put Chos Iina Gad
[in Jamaican Creole based on the JNT]
.
1. Di Laad a fi mi lait an im a di wan dat siev mi; mi no fried a nobadi. Di Laad a di chrent an powa a fi mi laif; a uu mi a go kech fried a nou?
2. Wen wikid piipl, iivn mi enimi dem an aal a dem we gens mi, kom atak mi fi nyam op mi flesh; a dem tombl dong an jrap.
3. Iivn duo wan aami shuda maach roun mi so dem kyan atak mi fram evri said an mi kyaahn get we, mi aat no kech fried a dem: duo waar kom bout gens mi, a dat mek mi get briev kaa mi shuor shuor se di Laad wi elp mi kaa mi chos iina im.
4. Da wan sitn ya mi aks di Laad fa, an a dat mi a go sorch fa; dat mi wi liv iina di Laad ous all a di die dem a mi life, tu luk chriet pan ou im luk wel gud, an fi lorn muo an muo iina im ous.
5. Fa iina taim a nof choblde an badarieshan im wi aid an protek mi; im wi aid mi iina di siikrit a fi im tent kova; im wi lif mi ai op pan wan rak.
6. An nou fi mi ed a-go get lif op aiya dan mi enimi dem roun mi: an mi a-go kyari iina im tent sakrifais wid shouts kaa mi aat wel api; mi wi sing an mek myuuzik bobl iina mi aat an priez di Laad.
7. Mi a beg yu fi lisn, Laad, wen mi a baal out wid mi vais: tek piti pan mi, an ansa mi.
8. Yu did se “Ton tu mi an prie an luk fi mi fies”; an er wa mi aat se tu yu, “A fi yu fies, Laad, mi a luk fa.”
9. Mi a beg yu fi no aid yu fies fram mi; no ton we yu sorvant kaa yu beks wid mi: yu a di wan we elp mi; no kot mi aaf non at aal. Nuo! No lef mi fi fen fi miself, Gad, yu a di wan dat wi siev mi.
10. Wen mi faada an mada lef mi fi fen fi miself, de Laad we kier bout mi, wi tek mi fi im pikni.
11. Tiich mi di rait wie, Laad, an tek me a di ruod we chriet, siek-a mi enimi dem.
12. No gi’ mi tu mi enimi dem fi dem du wa dem waahn du tu mi: fa wan bag a piipl we gens mi kom op fi tel lai pan mi, an did a chretn ou dem a-go mek mi sofa.
13. Mi did shuor se a ded mi did a go ded, bot mi did biliiv se mi a-go si di Laad shuo ou im a go gud tu mi, wail mi stil a liv.
14. Wiet an chos iina di Laad: no fried a notn an no gi op, an im wi mek yu aat chrang: mi se yu fi wiet pan di Laad fi elp yu.
.
[In everyday patwah]
Psalm 27 – Prayer fi put Trust Iina Gad
1. Di Lawd a fi me light an im a di one that save me; me no fraid a nobady. Di Lawd a di strength an power a fi me life; a who mi a go ketch fraid a now?
2. When wicked people, even me enemy dem an all a dem whe ‘gainst me, come attack me fi nyam up me flesh; a dem tumble down an drap.
3. Even though one army shoulda march round me so dem can attack me from every side an me cyaan get wey, me heart nuh ketch fraid a dem: though war come bout ‘gainst me, a that mek me get brave cause me sure sure sey di Lawd will help me cause me trust inna him.
4. Da one sinthing ya me ask di Lawd fa, an a that me a go search fa; dat me will live inna di Lawd house all a di day dem a me life, to look straight pon how im look well good, an fi learn more and more inna im house.
5. For inna time a nuf trouble and botheration im will hide and protect me; im will hide mi inna di secret a fi im tent cover; im will lift me high up pon one rock.
6. And now fi me head a go get lift up higher than mi enemy dem round me: an me a go carry inna im tent sacrifices with shouts cause me heart well happy; me will sing an make music bubble inna me heart an praise de Lawd.
7. Me a beg you fi listen, Lawd, when me a bawl out with me voice: tek pity pon me, an answer me.
8. Yuh did sey “Tun to me and pray an look fi me face”; an hear wha me heart sey to yuh. “A fi you face, Lawd, me a look fa.”
9. Me a beg yuh fi no hide yuh face from me: no turn wey yuh servant cause yuh vex with me: yuh a the one whe help me; nuh cut me off none at all, noo, no left me fi fend fi meself, God, yuh a the one dat will save me.
10. When me father an mother left me fi fend fi meself, de Lawd whe care bout me, will tek me fi im pickney.
11. Teach me the right way, Lawd, an tek me a the road whe straight, sake-a me enemy them.
12. Nuh give me to me enemey dem fi dem do wha dem want do to me: for one bag a people whe ‘gainst me come up fi tell lie pon me, an did a threaten how them a go mek me suffer.
13. Me did sure sey a dead me did a go dead, but me did believe sey me a go see the Lawd show how im a go good to me, while me still a live.
14. Wait an trust inna di Lawd: no fraid a nothing an no give up, an im will mek yuh heart strong: me sey yuh fi wait pon di Lawd fi help yuh.
.
Psalm 27 KJV
Prayer of Trust In God
1. The Lord is my light and my salvation; whom shall I fear? the Lord is the strength of my life; of whom shall I be afraid?
2. When the wicked, even mine enemies and my foes, came upon me to eat up my flesh, they stumbled and fell.
3. Though an host should encamp against me, my heart shall not fear: though war should rise against me, in this will I be confident.
4. One thing have I desired of the Lord, that will I seek after; that I may dwell in the house of the Lord all the days of my life, to behold the beauty of the Lord, and to enquire in his temple.
5. For in the time of trouble he shall hide me in his pavilion: in the secret of his tabernacle shall he hide me; he shall set me up upon a rock.
6. And now shall mine head be lifted up above mine enemies round about me: therefore will I offer in his tabernacle sacrifices of joy; I will sing, yea, I will sing praises unto the Lord.
7. Hear, O Lord, when I cry with my voice: have mercy also upon me, and answer me.
8. When thou saidst, Seek ye my face; my heart said unto thee, Thy face, Lord, will I seek.
9. Hide not thy face far from me; put not thy servant away in anger: thou hast been my help; leave me not, neither forsake me, O God of my salvation.
10. When my father and my mother forsake me, then the Lord will take me up.
11. Teach me thy way, O Lord, and lead me in a plain path, because of mine enemies.
12. Deliver me not over unto the will of mine enemies: for false witnesses are risen up against me, and such as breathe out cruelty.
13. I had fainted, unless I had believed to see the goodness of the Lord in the land of the living.
14. Wait on the Lord: be of good courage, and he shall strengthen thine heart: wait, I say, on the Lord.
.
JNT – Di Jamiekan Nyuu Testiment (The Jamaican New Testament)
KJV – Kings James Version
.
.
Download the Jamaican Patwah New Testament @ new-testament-bible-in-jamaican-creole-patwah-and-esv.pdf
.
.