Psalm 137 In Jamaican Patwah – By The Rivers Of Babylon

.
Read Psalm 137 in Jamaican Creole, everyday patwah, and English (KJV).
.

Saamz 137
[in Jamaican Creole based on the JNT]
.
1 A di riva waata dem iina Babilan, wi did sidong de, an wi did baal, wen wi memba Zaiyan.
2 Wi tai op wi aap dem pan di wila chrii dem rait de iina di migl a Babilan.
3 Kaaz dem dat did kyari wi kom ya fi dem prizna se dem waahn wi fi sing fi dem; an dem dat mek wi a sofa bad bad waahn wi fi sing sang fi mek dem aat api. Dem did a tel wi se “Uuno kom sing wan a di sang dem fram Zaiyan fi wi!”
4 Bot ou wi fi go sing di Laad sang dem iina farin konchri?
5 Ai Jeruusilem! Ef mi did eva figet yu, den mek mi rait an figet ou fi plie.
6 An mek mi tong faasn op iina di ruuf tap a mi mout ef mi no memba yu an ef mi no big op Jeruusilem muor dan eniting dat mek mi fiil riili api iina mi aat.
7 Laad, wi waahn yu fi memba di Edom piipl dem, ou pan di die wen Jeruusilem mash op, dem did se “Tier it dong, tier it dong, rait dong tu di foundieshan!”
8 Yu si yu piipl we liv iina Babilann, uu a-go luuz unu powa an get mash op, aal uu pie unu bak di siem wie ou unu did du wi a-go bi wel api!
9 Yes, dem a-go wel api fi tek unu likl pikni dem af di fyuucha an dash dem pan di mash op stuon dem af yu siti.

.
.
[In everyday patwah]
Psalm 137

1 At the river water dem inna Babylon, we did sit-down dey, and we did bawl, when we memba Zion.
2 We tie up we harp dem pon di willow tree dem right dey inna di middle of Babylon.
3 Cause them that did carry we come yah fi dem prisoner sey dem want we fi sing fi dem; an dem that mek we a suffer bad bad want we fi sing song fi mek dem heart happy. Them did a tell we sey “Unno come sing one a di song dem from Zion fi we!”
4 But how we fi go sing the Lawd song dem inna foreign country?
5 Ah Jerusalem! If me did ever figet yuh, then mek me right hand figet how fi play.
6 An mek me tongue fasten up inna di roof top a mi mouth if me nuh member yuh and if me no big up Jerusalem more than anything that mek me feel really happy inna me heart.
7 Lawd, we want yuh fi memba di Edom people dem, how pon di day when Jerusalem mash up, dem did sey “Tear it down, tear it down, right down to the foundation!”
8 Yuh see yuh people whe live inna Babylon, who a-go lose unnu power and get mash up, all who pay unnu back the same way how unnu did du we a-go be well happy!
9 Yes, them a-go well happy fi take unno little pickney dem of the future an dash dem pon the mash up stone dem of yuh city.

.

Psalm 137 KJV
1 By the rivers of Babylon, there we sat down, yea, we wept, when we remembered Zion.
2 We hanged our harps upon the willows in the midst thereof.
3 For there they that carried us away captive required of us a song; and they that wasted us required of us mirth, saying, Sing us one of the songs of Zion.
4 How shall we sing the Lord’s song in a strange land?
5 If I forget thee, O Jerusalem, let my right hand forget her cunning.
6 If I do not remember thee, let my tongue cleave to the roof of my mouth; if I prefer not Jerusalem above my chief joy.
7 Remember, O Lord, the children of Edom in the day of Jerusalem; who said, Rase it, rase it, even to the foundation thereof.
8 O daughter of Babylon, who art to be destroyed; happy shall he be, that rewardeth thee as thou hast served us.
9 Happy shall he be, that taketh and dasheth thy little ones against the stones.

.
.

JNT – Di Jamiekan Nyuu Testiment (The Jamaican New Testament)
KJV – Kings James Version
.
.
Download the Jamaican Patwah New Testament @ new-testament-bible-in-jamaican-creole-patwah-and-esv.pdf
Click here to buy the Di Jamiekan Nyuu Testiment Bible.
.
.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.